Вядомы рускі кулінар канца XIX стагоддзя Ф. А. Зэст пісаў пра шчучыну:

«Мяркуючы па назве можна было б чакаць, што суп гэты гатуецца выключна са шчупака.
Насамрэч, хаця яго можна прыгатаваць і са шчупаком, звычайна бяруць для яго якую-небудзь іншую больш смачную рыбу. Чым тлумачыцца такая неадпаведнасць назвы – не ведаем...»

• рыбны булён – 1 л 
• квас халадніковы і (альбо) агурочны ці капусны расол – 0,5 л 
• філе белай рыбы (шчупак, ёрш, судак, асятрына і г.д.) – 1 кг 
• агуркі – 3 сярэдніх 
• корань хрэну ці гатовы нацёрты хрэн – на смак 
• зеляніна (цыбуля залёная, кроп) – па пучку 
• смятана 
• соль, перац 

---

Падрыхтаваць квас ці расол (альбо і тое, і тое).

Прыгатаваць моцны булён з галоваў і касцей белай рыбы, з лаўровым лістом, рэпкавай цыбуляй, чорным/духмяным перцам і сухім кропам.

Філе белай рыбы прыпусціць і астудзіць:

Корань хрэну нацерці. А можна ўзяць і гатовы сталовы хрэн са слоіка.
Агуркі нашаткаваць саломкай.
Зялёную цыбулю і кроп дробна нарэзаць:

Змяшаць агуркі і зеляніну, дадаць філе рыбы, заліць рыбным булёнам.
Заправіць цёртым хрэнам, дадаць квас/расол (альбо і тое, і тое).

Падаваць са смятанай і колатым лёдам:

---

Можна разам з прыпушчанай рыбай пакласці мяса вараных ракаў (альбо крэветак, калі няма ракаў).

Замест хрэну можна ўзяць цёртую рэдзьку. Яе пажадана дадаваць у суп свежанацёртай, перад самай падачай, каб пазбегнуць цяжкага паху рэдзькі навокал.

Часам разам з хрэнам кладуць крыху гарчыцы.

Разам з агурком можна дадаць радыску.

---

Яўна прасочваюцца роднасныя сувязі з жамойцкім халадніком са смажаным селядцом.