Польшча: Фасоля па-брэтонску (Fasolka po bretońsku)

Читать по-русски

Назва, што гучыць вельмі па-французску, можа ўвесці ў зман наконт рэальнага паходжання гэтай стравы. Насамрэч, гэтая абсалютна польская страва мае гэтулькі ж агульнага з французскай Брэтанню, колькі і польская рыба па-грэцку – з Апенінскай паўвыспай. Гэта значыць – ніколькі.😁

Гісторыкі лічаць, што назва неяк звязана з Напалеонаўскімі войнами – хутчэй за ўсё, таму, што ў тыя часы ў Польшчы было папулярна ўсё французскае. Аднак ніякіх доказаў ніхто прадаставіць не можа.

Цікава, што ў Францыі ёсць падобная, але значна больш складаная страва – касуле. Ці то рагу, ці то запяканка – калі-небудзь займуся і высветлю. Вось толькі нічога агульнага ў назве ў фасолькі па-брэтонску з касуле не назіраецца…

Тым не менш, гэта смачная, недарагая і простая ў прыгатаванні страва, якая робіцца яшчэ смачнейшай на наступны дзень. Карацей, адназначна рэкамендую.😉

сухая фасоля – 250 г (невялікая)
сыравялены бекон – 150 г
кілбаса (тыпу шлёнскай ці падвавельскай) – 200 г
цыбуліна – 1 вялікая
часнок – 3-4 зубцы
свежыя памідоры – 750 г (можна замяніць на консерваваныя)
таматная паста – 1,5 ст. л.
соль, перац, спецыі:
- духмяны перац – 2-3 шт.
- лаўровы ліст – 2 шт.
- маяран – 1 – 1,5 ч. л.
- салодкая вэнджаная папрыка – 0,5 ч. л.

Фасолю замачыць, пажадана на ноч.
Старанна прамыць:

Зварыць да мяккасці ў 750 мл вады з дадаткам духмянага перцу і лаўровага ліста.
Час ад часу каштаваць, пры неабходнасці – даліць вады і даварыць, бо можа трапіцца цвёрдая фасоля.
Калі фасоля амаль гатовая – пасаліць:

Ваду з-пад варанай фасолі зліць у падрыхтаваную пасудзіну і пакінуць:

Памідоры аблупіць бязлітасна і нарэзаць на кавалачкі сярэдняга памеру – важна, каб не выцек сок.
Цыбулю і часнок нарэзаць дробна, сыравялены бекон – на кубікі, кілбасу – на кавалачкі сярэдняга памеру: