Нягледзячы на тое, што класічным соусам да спаржы лічыцца галандскі, адзін з маіх любімых варыянтаў – спаржа з часнаком.

1. спаржа – паўпучка (каля 250 г) 
2. лімон – чвэрць
3. цукар – 0,5 чайнай лыжкі 
4. соль – 0,5 чайнай лыжкі 
5. сметанковае масла – 0,5 ст. л.
6. часнок – шмат, на смак
7. вяршкі – па жаданні
8. пармезан – па жаданні
9. перац чорны

---

Падрыхтаваць спаржу: абрэзаць цвёрдыя месцы. Калі спаржа пераспелая ці занадта таўстаскурая, ачысціць скурку ў нізе сцяблін:

У падсоленую ваду, якая кіпіць, пакласці нарэзаны на дзелькі лімон, соль і цукар.

Апусціць у кіпень спаржу верхавінамі дагары.
Калі кончыкі тырчаць – не страшна, яны гатуюцца значна хутчэй за ніз сцябліны.

Варыць да гатовасці: зялёную спаржу – 5-10 хвілін, белую – 10-15.
Час варкі залежыць ад спеласці спаржы. Яна павінна быць мяккай:

Перакласці спаржу на гарачую патэльню з растопленым сметанковым маслам:

Выціснуць часнок:

Пасыпаць чорным перцам і абсмажыць пару хвілін:

Далей па жаданні: можна пакінуць як ёсць, а можна пасыпаць нацёртым пармезанам і/альбо развесці вяршкамі да пажаданай кансістэнцыі.

Падаваць гарачай:

---

☝️Разам з часнаком можна ўсыпаць крыху размарыну.