Гісторыкі лічаць, што суп-прабацька яйлы быў прыдуманы яшчэ ў старажытнай Месапатаміі, а дакладней, у Асірыі. Але ў выніку складаных гістарычных працэсаў яйла шырока распаўсюдзіўся менавіта ў Турцыі.
Акрамя Турцыі, падобны суп прысутнічае таксама ў іракскай, сірыйскай і іранскай кухнях, аднак там ён не настолькі папулярны.

Яйла чорбасы, дзякуючы карысным уласцівасцям свежага ёгурту, лічыцца супам лекава-сагравальным, незаменным халоднымі зімовымі днямі.

Яйла (Yayla) перакладаецца як «летняя высакагорная паша, раўніна».
Карацей кажучы, суп пастухоў. 🐏

• рыс – паўшклянкі 
• ёгурт – 500 мл
• яйка – 1 шт.
• мука пшанічная – 1 ст. л. з невялікай горкай
• вада – 1 літр
• масла сметанковае – 2 ст. л.
• мята сухая – 1 ст. л. з невялікай горкай
• чырвоны перац – па жаданні
• соль

---

Ёгурт лепш за ўсё выкарыстоўваць самаробны. Калі лянота самому рабіць – купіць грэцкі:

Рыс старанна прамыць:

Закіпяціць 1 л вады.

Пакласці рыс у ваду, што кіпіць, і варыць да гатовасці рысу. Даць крыху застыць.

Тым часам у рондалі спалучыць яечны жаўток, ёгурт і муку:

Усё гэта добра вымешаць венчыкам да аднароднай масы:

Цяпер трэба вярнуцца да рондалю з вараным рысам:

Узяць крыху гарачага булёну з рондалю з рысам, уліць яго да ёгурту і актыўна перамяшаць (каб ёгурт не скруціўся).
Паўтарыць 3-4 разы:

Дадаць атрыманую ёгуртную сумесь у рондаль з рысам і добра вымешаць (зноў жа, каб ёгурт не скруціўся):

Давесці да кіпення, увесь час памешваючы, і адразу выключыць (як заўсёды – каб ёгурт не скруціўся).

Фінальны этап – падрыхтоўка заправы:

Сметанковае масла распусціць на патэльні.
Дадаць сухую мяту і абсмажваць да з’яўлення яркага паху:

Высыпаць у суп абсмажаную мяту і пасаліць (соль абавязкова напрыканцы – інакш ёгурт… ну, вы зразумелі😁):

Старанна перамяшаць і даць настаяцца:

Гатовы суп нельга накрываць накрыўкай, пакуль не астыне, інакш ёгурт…😁.

Можна падаваць як гарачым, так і халодным:

---

Вельмі часта ў Турцыі дадаюць загадзя звараны нут:

А яшчэ можна дадаць абсмажаную цыбулю, ну а для аматараў гарачэйшых смакаў – шматкі чылі.

Замест рысу ў некаторых рэгіёнах выкарыстоўваюць ячныя крупы альбо булгур – тады выходзіць штосьці падобнае да армянскага супу «спас», калі не зважаць на зёлкі і спецыі.

Для ўзмацнення смаку і водару можна выціснуць у талерку пару зубчыкаў часнаку альбо пакласці дзельку лімона.

Сустракаюцца рэцэпты на мясным бульёне, але гэта ўжо не класіка.