Альпійскі горны рэгіён (Германія, Аўстрыя, Швейцарыя і Эльзас): Мясная салата (Wurstsalat)

Читать по-русски

Традыцыйная альпійская салата, надзвычай папулярная ў Германіі, Аўстрыі, Швейцарыі і Эльзасе.

У Германіі называюць Bayerischer Wurstsalat, у Аўстрыі – Saure Wurst, у Швейцарыі – Schweizer Wurstsalat і г. д.

А ў Швабіі дык наогул дадаюць крывянку… 😍

свіная падвэнджаная кілбаса (нямецкая – Ліён (Lyoner) ці Рэгенсбургер (Regensburger Wurst), беларуская – «Как раньше») – 400 г
цыбуля рэпкавая (найлепш – чырвоная) – 1-2 шт. (залежыць ад памеру)
агуркі/карнішоны – на смак
аліўкавы алей – 50 мл
белы воцат + (калі ёсць) цыбулевы воцат – 30+30 мл
цукар – 0.5 – 1 ч. л. (на смак)
зялёная цыбуля – пучок (на смак)
соль, перац

Гатуем «Bayerischer Wurstsalat» – Баварскую мясную салату, – выкарыстоўваючы кілбасу «Как раньше»😉:

Кілбасу ачысціць ад скуркі і нарэзаць саломкай альбо на дробныя кубікі:

Цыбулю нарэзаць тонкімі паўколцамі і адправіць да кілбасы:

Агуркі/карнішоны нарэзаць на тонкія пласцінкі (невялікія) і таксама адправіць да кілбасы:

Соус:

У аліўкавы алей дадаць воцаты, свежамолаты перац, соль і цукар:

Добра перамяшаць. Павінен атрымацца саладкаваты і даволі рэзкі марынад:

Дадаць у салату соус, перамяшаць:

Соусу павінна быць даволі шмат, каб яго было відаць на дне салатніцы:

Пакінуць у лядоўні настаяцца хвілін на 30-45 (не менш).

Перад падачай загадзя достаць з лядоўні: салата не павінна быць халоднай, інакш з’явіцца непрыемны прысмак тлушчу.

Падаваць з дробна нарэзанай зялёнай цыбуляй, свежымі завітушкамі (ці хлебам) і (абавязкова!) свежым півам 🍺.

Ну а хлебам варта вымачаць рэшткі соусу😋.

💡Часам, каб дамагчыся больш мяккага смаку, соус разводзяць вадой.
Агуркі-карнішоны – дадатак апцыянальны, але вельмі распаўсюджаны, асабліва ў Баварыі. Самы аўтахтонны варыянт – толькі кілбаса і цыбуля.

Швейцарскі варыянт (Schweizer Wurstsalat):