Славенія: Віпаўска хота, альбо Віпаўскі суп (Vipavska jota) (Суп з кіслай капустай і фасоляй)

Суп з Віпаўскай лагчыны.

Назва «хота» паходзіць ад фрыульскага слова «jota», якое, у сваю чаргу, бярэ пачатак ад гэльскага слова «iutta» (суп).

косці для булёну
грудзінка свіная вэнджаная/бекон – 150 г
капуста кіслая – 300 г
бульба – 2-3 сярэдніх,
фасоля белая – 170 г
цыбуля рэпкавая – 1 сярэдняя цыбуліна
часнок – 4-7 зубцоў
мука – 1 ст. л.
соль, перац, спецыі (папрыка, кмен, лаўровы ліст, ядловец)

З касцей зварыць булён. Чым больш у ім інгрэдыентаў і чым ён наварысцей, тым лепш.

Фасолю замачыць на ноч:

Зварыць да гатовасці і адкласці.
У некаторых рэгіянальных варыянтах рэцэпта пішуць, што вараную фасолю трэба размяць, у іншых раяць пакінуць цэлай – тут ужо вырашаць вам.

Бульбу і грудзінку нарэзаць на кубікі:

Бульбу зварыць да гатовасці і адкласці.
Сустракаюцца варыянты рэцэпта, у якіх бульбу таксама прадпісваюць размяць. Але, зноў жа, гэта па вашым жаданні.

Вэнджаную свіную грудзінку ці бекон абсмажыць да залацістага:

Дадаць палову часнаку, яшчэ злёгку абсмажыць.

Пакласці капусту:

Дадаць лаўровы ліст, кмен і ягады ядлоўца:

Перамяшаць і тушыць пад накрыўкай практычна да гатовасці – хвілін 40:

Цыбулю дробна нарэзаць і пасераваць да залацістага колеру.

Дадаць муку і папрыку і пасераваць яшчэ пару хвілін:

У рондлі злучыць фасолю, бульбу, капусту з мясам і цыбулю, выціснуць рэшту часнаку.
Развесці булёнам (але памятаць, што суп павінен быць густым).
Пакаштаваць: капуста і грудзінка могуць быць салёнымі. Скарэктаваць, калі трэба.
Давесці да кіпення і варыць 5 хвілін.