Другая назва спасу – «танапур» (суп з тану).
Традыцыйна гатаваўся ў печцы-тандыры.

Абавязковыя кампаненты супу:

• мацун (дарэчы, у Грузіі яго называюць «мацоні»)
• крупы (звычайна дзавар: звараныя, ачышчаныя і высушаныя крупы з цэлых пшанічных зярнят)
• яйкі
• масла
• зеляніна кінзы

Усе астатнія кампаненты – апцыянальныя.

Ніжэй – варыянт з пшанічнымі крупамі і абсмажанай цыбуляй.

• мацун – 0,5 л
• вада – 0,5-0,7 л (разводзіцца да пажаданай гушчыні)
• дзавар – 150-200 г
• яйка – 2 шт.
• мука пшанічная – поўная сталовая лыжка, без вялікай горкі 
• цыбуля рэпкавая – 2 сярэдніх (апцыянальна)
• масла сметанковае – 80-100 г
• зеляніна (абавязкова кінза – пучок, пажадана мята – пара каліўцаў)
• соль, спецыі (каляндра, сухая мята, чабор)

---

Дзавар замачыць на 3-5 гадзін, а лепш на ноч:

Адварыць дзавар амаль да гатовасці.☝️ Калі пры варцы дзавару застаецца адвар – не выліваць, выкарыстаць для развядзення мацуну):

Цыбулю дробна нашаткаваць, кінзу насекчы сярэдне:

Традыцыйна цыбулю абсмажваюць у сметанковым масле, але ў веганскім варыянце дапушчальна замяніць сметанковае масла на раслінны алей:

Абсмажваць да залацістага колеру:

Убіць яйкі ў блендэр, дадаць соль:

Добра ўзбіць:

Дадаць муку:

Старанна ўзбіць да аднароднай кансістэнцыі:

Спалучыць з мацунам:

Добра ўзбіць венчыкам.

Развесці вадой (прыкладна 1 да 1 ці да 1,5) – на смак, залежыць ад гушчыні мацуну. Суп не павінен быць занадта густым, але смак мае быць яркім кісламалочным.

☝️Дадаваць трэба менавіта ваду ў мацун, не наадварот, інакш могуць утварыцца камякі.

Паставіць на слабы агонь, і, увесь час памешваючы (гэта важна!!!), давесці да кіпення. Чым бліжэй да кропкі кіпення, тым мацней памешваць, каб не згарнуліся яйкі. Гэта доўгі працэс, але менавіта ён дазваляе дасягнуць аднароднай кансістэнцыі.

Пераключыцца на мінімальны агонь, дадаць дзавар.

Кіпяціць (ледзь-ледзь бурліць), памешваючы (ужо не так інтэнсіўна), да патрэбнай кансістэнцыі хвілін 5-15, у залежнасці ад гатовасці крупаў і пажаданай гушчыні. Чым даўжэй будзеце варыць, тым гусцейшы суп.
Важна не пераварыць крупаў: яны павінны быць мяккімі, але цэлымі, не разваранымі.

Зняць з агню, дадаць пасераваную цыбулю, спецыі (не перабраць з мятай, можа з’явіцца непрыемны прысмак), спраўдзіць на соль.

Пакласці сметанковае масла і насечаную не занадта дробна зеляніну кінзы:

Спас ядуць як халодным (звычайна летам, і больш вадкі), так і гарачым (звычайна не летам, і больш густы).

---

💡Дзавар можна замяніць на пшанічныя крупы, булгур ці полбу. У інтэрнэце сустракаюцца рэцэпты нават з рысам і сачавіцай.

Замест мацуну можна выкарыстоўваюць сыраватку, нейтральный ёгурт ці, у самым скрайнім выпадку і калі вельмі хочацца, – кефір.

Часам, каб змякчыць смак мацуну, дадаюць смятану (у момант развядзення вадой).

У некаторых рэцэптах дадаюць насечаныя вараныя яйкі.