«Saba no miso ni», «Saba Misoni» з японскага так і перакладаецца – скумбрыя ў місо-соусе.
Гэта адзін з самых папулярных традыцыйных рэцэптаў у краіне.

Японцы кажуць, што рыба з зялёнай спіной (青 身 魚) заўсёды добра спалучаецца з місо-соусам.
Пад «рыбай з зялёнай спіной» маюцца на ўвазе скумбрыя, стаўрыда, сардзіна і сайра.

Ну а белую рыбу, кажуць, лепш гатаваць з соевым соусам.

---

• скумбрыя – 1 шт.
• соевы соус – 2 ч. л.
• місо – 2-3 ст. л. без горкі
• сакэ – 2 ст. л.
• цукар – 1 ст. л. з горкай
• мірын – 2 ст. л.
• вада – 200 мл
• імбір – кавалачак памерам з пушку запалак
• цыбуля-парэй – 15 см белага плюс крыху верхняй зялёнай часткі
• перац салодкі – палова сярэдняга (па жаданні)

Разрэзаць скумбрыю на філе (японцы часта пакідаюць косткі, але гэта не абавязкова):

Пасыпаць унутраную частку соллю і зрабіць на скуры крыжападобныя надрэзы (ці шмат паралельных):

Пакінуць хвілін на 15.

Падрыхтаваць у якой-небудзь пасудзіне ваду з лёдам.

Закіпяціць у рондлі ваду і апусціць кавалачкі філе ў кіпень секунд на 15.

Адправіць рыбу ў халодную ваду:

Старанна прамыць, дастаць і загарнуць у кухонны папяровы ручнік:

Даць абсохнуць.
Усе гэтыя маніпуліцыі патрэбны, каб змякчыць рэзкі прысмак скумбрыі:

Імбір нарэзаць на тонкія пласцінкі. Зялёную частку цыбулі-парэю – на кавалкі па 3-5 см.
Часта ў якасці дадатку да Saba no miso гатуюць перац – у гэтым выпадку нарэзаць его на палоскі ўздоўж:

Падрыхтаваць інгрэдыенты для соусу:

У патэльню ўліць 200 мл вады, закіпяціць.

Дадаць сакэ, мірын, соевы соус, цукар і палову місо. Давесці да кіпення.

Пакласці скумбрыю скуркай дагары, дадаць зялёную частку цыбулі і імбір:

Варыць на сярэднім агні (пры актыўным кіпенні), адначасова паліваючы скумбрыю булёнам, хвілін 5.
Затым накрыць скумбрыю накрыўкайі і тушыць на сярэднім агні каля 5 хвілін.
Дарэчы, накрыўку ў Японіі выкарыстоўваюць невялікага памеру, каб вадкасць магла свабодна выпарацца:

Праз пяць хвілін дастаць з патэльні цыбулю-парэй і выкінуць:

Развесці рэшткі місо соусам з патэльні:

Выліць у патэльню, размяшаць, накрыць накрыўкай і давесці да кіпення.
Калі плануецца падаваць з перцам – акурат на гэтым этапе варта пакласці яго на патэльню: перац павінен набрыняць соусам і злёгку памякчэць:

Закрыць накрыўкай і патушыць 3-5 хвілін. Перац дастаць.

Затым зняць накрыўку і тушыць на сярэднім агні да загусцення соусу – хвілін 10-15:

Падаваць з саломкай з цыбулі-парэю «Шырага негі» (Shiraga Negi):

---

☝️Па чутках, можна пакінуць гатовую скумбрыю на патэльні на ноч, каб яшчэ больш увабрала соку, а пасля яшчэ раз давесці да кіпення – і тады атрымаецца ідэальна.