На латыні шчаўе ганарліва называецца «Rúmex».

• шчаўе свежае – вялікі пучок, альбо шчаўе марынаванае – 1 слоік
• агуркі свежыя – 2-3 сярэдніх
• цыбуля зялёная – 1 пучок
• кроп – 1 пучок
• яйка – 4-5 шт.
• цукар – 1-2 ч. л.
• смятана

---

Шчаўе вымыць і перабраць:

Нашаткаваць, але не задробна:

Пакласці ў ваду альбо ў булён, што кіпіць, на пару хвілін – для мяккасці.
Астудзіць.

Калі выкарыстоўваецца марынаванае шчаўе, проста развесці булёнам альбо вадой да пажаданай канцэнтрацыі.

Яйкі зварыць, зялёную цыбулю і кроп дробна нарэзаць, агуркі нарэзаць на чвэрцьколцы:

Бялкі аддзяліць ад жаўткоў і насекчы на кубікі.

Жаўткі расцерці:

Дадаць соль, цукар і зялёную цыбулю і добра расцерці:

У астуджаны адвар са шчаўем (альбо ў разведзенае марынаванае шчаўе) дадаць яечныя бялкі, агуркі і зеляніну.

Праверыць на соль, цукар (марынаванае шчаўе часта бывае салёным, гэта варта ўлічыць).

Падаваць са смятанай:

---

Яйкі можна дадаткова класці ў талерку палоўкамі.

Марынаванае шчаўе лепш браць ад вядомых і правераных вытворцаў – там будзе менш валокнаў і менш солі.