Пастынеры – армянскія стравы з мяса (звычайна бараніны), спачатку абсмажанага, а затым пратушанага з гароднінай.

Ніжэй – рэцэпт пастынера з гарбузом і памідорамі.

• бараніна – 500 г 
• гарбуз – 400 г 
• памідоры – 4-5 невялікіх 
• цыбуля рэпкавая – 2 сярэдніх 
• часнок – 3-5 зубчыкаў 
• зеляніна (кінза, пятрушка) – па пучку 
• смятана – 100 мл
• соль, перац, спецыі (лаўровы ліст, чабер, базілік, чабор, эстрагон)

---

Бараніну нарэзаць на кавалкі памерам прыкладна з пушку запалак:

Пасаліць і папярчыць:

Мяса пажадана абсмажыць у сумесі расліннага і сметанковага масла (але гэта па жаданні):

Абсмажыць мяса да залацістай скарынкі:

Уліць крыху вады ці булёну (каб амаль пакрыць мяса) і тушыць на павольным агні амаль да гатовасці:

Гарбуз ачысціць і насекчы на невялікія кубікі.
Часнок нарэзаць на пласцінкі, цыбулю – на чвэрцьколцы.
Памідоры – як падабаецца: можна і на колцы, і дробна. Я люблю буйнымі кавалкамі:

Зеляніну дробна насекчы:

Гарбуз абсмажыць на сярэднім агні под накрыўкай да мяккасці.
Трэба быць уважлівым, бо некаторыя гатункі гарбуза робяцца мяккімі ўмомант:

Цыбулю і часнок абсмажыць да празрыстасці:

Дадаць крыху булёну з бараніны, смятану і лаўровы ліст:

Пратушыць 3-4 хвіліны, дадаць спецыі:

У рондаль для запякання пакласці мяса з булёнам:

Затым цыбулю:

Пасыпаць зелянінай:

Затым слой гарбуза:

І, нарэшце, памідоры:

Запякаць пад накрыўкай у разагрэтай да 170-180°C духоўцы да гатовасці, хвілін 30-40 (час залежыць ад таўшчыні слою.

Калі падабаецца падсушаны варыянт – зняць накрыўку і запякаць яшчэ 10 хвілін.

Перад падачай пасыпаць насечанай зелянінай:

---

Гародніны павінна быць больш, чым мяса.

Класічныя варыянты гародніны – гарбуз, струковая фасоля, памідоры, вараная белая фасоля. Часам – бульба.

Можна рабіць з цяляціны ці казляціны, але класіка – бараніна.

Часам у абсмажаную цыбулю смятяну не дадаюць.