Першапачаткова тушаныя бычыныя хвасты былi ежай брытанскага пралетарыяту. Бычыныя хвасты і лакальная гародніна каштавалі капейчыну, а гатаваць страву можна было ў любой печцы.

З цягам часу яна стала лічыцца гурманскай. Доўгае тушэнне робіць мяса сакавітым і далікатным, а соус – густым і духмяным.

• бычыны хвост – 1,5 кг
• цыбуля рэпкавая (пажадана чырвоная) – 3 невялікіх
• цыбуля-парэй – 1 вялікая
• хвосцікавая салера – 3 сцябліны
• морква – 3 сярэдніх
• часнок – 7-9 зубцоў
• памідоры – 3 вялікіх, альбо таматы ва ўласным соку – бляшанка
• мука – 2 ст. л.
• портэр, чырвонае віно, ялавічны булён ці вада – 250 мл
• раслінны алей
• ворчэстарскі соус
• соль, перац, спецыі (чабор, размарын, лаўровы ліст)

---

Бычыны хвост нарэзаць па храстках на кавалачкі каля 4 см даўжынёй і абкачаць у муцэ з соллю і перцам.
Самы просты спосаб – насыпаць муку ў рондаль, дадаць соль і чорны перац:

Пакласці туды ж кавалачкі хваста, шчыльна прыкрыць накрыўкай і старанна страсянуць некалькі разоў, каб мука раўнамерна пакрыла мяса:

Абсмажыць мяса ў раслінным алеі да залацістай скарынкі:

Падрыхтаваць гародніну:

Цыбулю, цыбулю-парэй, салеру, моркву нарэзаць на буйныя кавалкі (сантыметры па паўтара-два):

Дадаць крыху чабору і размарыну для водару і абсмажыць у раслінным алеі спачатку на сярэднім, а потым на невялікім агні да мяккасці, хвілін 10-12.

У сярэдзіне працэсу дадаць часнок, нарэзаны на тоўстыя пласцінкі:

Памідоры аблупіць наміласэрна і здрабніць блендэрам.
💡Яшчэ прасцейшы спосаб – разрэзаць упоперак на дзве часткі і нацерці на буйной тарцы, каб у руках засталася толькі скурка:

Калі выкарыстоўваюцца кансерваваныя таматы ва ўласным соку, адкрыць бляшанку і здрабніць блендэрам.

Мяса перакласці ў глыбокую пасудзіну для запякання, дадаць гародніну і заліць здробненымі памідорамі альбо таматамі ва ўласным соку. Калі выкарыстоўваеце натуральныя таматы, усыпаць чайную лыжку цукру:

Уліць піва, альбо віно, альбо булён, альбо ваду – вадкасць павінна амаль пакрываць гародніну.
Дадаць соль, перац, лаўровы ліст і спецыі:

Давесці да кіпення (можна на пліце, але затым паставіць у духоўку) і запякаць пры 170°C каля 3-4 гадзін – менавіта пры доўгім марудным тушэнні мяса робіцца маккім і сакавітым.

Кожную гадзіну кантраляваць булён/ваду, калі мала – даліваць. Мяса павінна быць увесь час амаль цалкам пакрыта вадкасцю:

Перад падачай пажадана зняць мяса з касцей – пасля працяглала тушэння яно павінна свабодна аддзяляцца.

Дадаць ворчастарскі соус, перамяшаць:

Ідэальна з бульбяным пюрэ:

---

Часам за 45 хвілін да гатовасці дадаюць абсмажаную бульбу ці рэпу.

Калі трэба зменшыць тлустасць, тушаныя бычыныя хвасты варта ахаладзіць і зняць застылы тлушч.

Oxtail Stew — паўночны канкурэнт Rabo De Toro. Але, у адрозненні ад іспанскага варыянту, які гатуецца толькі на чырвоным віне і гародніна для якога заўсёды пюруецца ў даволі вадкі соус, англійскі варыянт можна гатаваць як на віне, так і на піве, булёне ці вадзе, ён больш густы… Ды і наогул смак абсалютна іншы.

«Калі дадаць крыху вады – будзе цудоўны суп!» — сказаў пра Oxtail Stew Джэймі Олівер.😉