Мусака (па-грэцку – μουσακάς) – традыцыйная страва на Балканах і Блізкім Усходзе.
У кожнай краіне гэтага рэгіёну ёсць уласны рэцэпт мусакі, але ніжэй – менавіта грэцкая.

Класічная грэцкая мусака складаецца з трох пластоў: спачатку – пласт баклажанаў, затым – пласт бараніны з памідорамі, затым зноў пласт баклажанаў. Заліваецца соусам бешамель з сырам.

Арыгінальны рэцэпт створаны Нікалаасам Цэйлементэсам у 1920-х гадах.

Мусака:

• баклажаны – 2 шт. сярэдняга памеру
• бараніна ці барановы фарш – 700-800 г
• цыбуля рэпкавая – 1 вялікая цыбуліна
• памідоры – 2-3 шт. сярэдняга памеру (грамаў на 350)
• белае сухое віно – 160-180 мл
• часнок – 4-7 зубцоў
• цвёрды казіны сыр (пажадана кефалаціры ці гравіера) – 3-4 ст. л. (можна замяніць на італьянскія цвёрдыя сыры тыпу пекарына рамана ці грана падана)
• соль, перац, спецыі (арэгана, базілік, мята, духмяны перац, карыца)

Соус:

• сметанковае масла – 1,5 ст. л.
• мука – 1 ст. л. з горкай
• малако – 250-300 мл
• яйкі – 1-2 шт.
• цвёрды жоўты сыр (пажадана кефалаціры ці кефалагравіера) – 1,5-2 ст. л. (можна замяніць на італьянскія цвёрдыя сыры тыпу пекарына рамана ці грана падана)
• арэх мускатны
• соль

---

Баклажаны нарэзаць уздоўдж на лустачкі сярэдняй таўшчыні. Баклажан сярэдняга памеру звычайна разразаецца на 4-5 лустачак:

Калі баклажаны гаркавыя, варта замачыць іх у падсоленай вадзе на паўгадзіны, затым прамыць і падсушыць.

Далей 2 варыянты:

АбСМАЖЫЦь

Абсмажыць баклажаны ў аліўкавым алеі і пакласці на ручнік, каб сцеклі лішкі алею:

ЗапЕКчы

Лустачкі баклажана пакласці на змазаную аліўкавым алеем форму:

Запекчы ў разагрэтай да 180-190 °C духоўцы хвілін 15-25 (час залежыць ад таўшчыні лустачак):

У дадзеным варыянце палова лустачак абсмажвалася, а палова запякалася.

Бараніну перакруціць на фарш, сыр нацерці як найдрабней:

Памідоры бязлітасна аблупіць і здрабніць.

Цыбулю нарэзаць на чвэрцьколцы:

Часнок здрабніць (лепш нажом, чым прэсам для часнаку).

Абсмажыць цыбулю з часнаком да залацістага:

Адкласці абсмажаную цыбулю ў асобную пасудзіну.

Фарш абсмажыць, увесь час перамешваючы і разбіваючы камякі, да паўгатовасці:

Уліць віно, дадаць абсмажаную цыбулю, памідоры, соль, перац і спецыі:

Старанна перамяшаць і тушыць на сярэднім агні, пакуль вадкасці не застанецца зусім няшмат. ☝️Між тым, яна патрэбная! Мусака мае быць сакавітай:

У форму для запякання выкласці пласт баклажанаў – для ніжняга пласта пажадана браць крайнія пласціны са скуркай:

Над баклажанамі размеркаваць фарш:

Зверху – яшчэ адзін пласт баклажанаў:

Прыгатаваць соус Бешамель:

Паступова, трымаючы соус на маленькім агні і актыўна перамешваючы, дадаць 1,5 – 2 сталовых лыжкі цёртага сыру і варыць, пакуль сыр не расплавіцца.

Пасаліць, дадаць мускатны арэх і перамяшаць.

У выніку, дарэчы, атрымліваецца Марнейскі соус.

Даць астыць хвілін 10.

💡Можна накрыць соус харчовай плёнкай так, каб яна легла проста на паверхню – гэта захавае соус ад перасыхання.

Тым часам разбіць яйкі ў чашку міксера:

Старанна ўзбіць:

Павольна, увесь час памешваючы, увесці ўзбітыя яйкі ў бешамель:

Заліць мусаку соусам бешамель:

Пасыпаць цёртым сырам (3 – 4 сталовых лыжкі):

Запякаць да гатовасці ў разагрэтай да 180-190 градусаў духоўцы хвілін 30-40.

Калі мусака злёгку падрумяніцца зверху, тэмпературу можна крыху знізіць:

Дастаць, даць настаяцца:

---

Гэта класічны рэцэпт грэцкай мусакі.

Замест бараніны можна выкарыстоўваць любое іншае мяса, а баклажаны можна дапоўніць ці замяніць на кабачкі, цукіні ці бульбу, таксама нарэзаныя на лустачкі і абсмажаныя.