«Kapsad» – гэта капуста.
«Mulgikapsad» – капуста мульгаў.
Мульгі – жыхары Мульгімаа (Mulgimaa), рэгіёну на паўднёвым усходзе Эстоніі.

Must try! Упершыню прыгатаваўшы мульгікапсад, я закахаўся ў эстонскую кухню.❤️

• свініна ці бекон – 300 г (у арыгінале – грудзінка, але не абавязкова)
• капуста квашаная – 500 г
• крупа пярловая – паўшклянкі
• цукар – 0,5 ч. л.

---

Пярлоўку замачыць на ноч. Можна і менш, на 3-5 гадзін, але тады давядзецца даўжэй тушыць:

Свініну парэзаць на кавалкі памерам з палову запалкавай пушкі:

Пасыпаць мяса соллю і цукрам. Калі капуста салодкая, цукар можна і не дадаваць:

Пакласці слаямі ў кацёл ці рондаль для запякання па алгарытме: капуста → мяса → пярлоўка → капуста → мяса → …. → капуста.
Калі гатуеце не ў прамысловым маштабе, то выглядае гэта так:

Капуста:

Мяса:

Пярлоўка:

Капуста:

Заліць вадой так, каб яна пакрывала інгрэдыенты на паўсантыметра.

Паставіць у духоўку на 160-170 °C і запякаць 3-5 гадзін да гатовасці і выпарвання вады (залежыць ад гатовасці пярлоўкі: калі пярлоўка замочвалася ўсю ноч – 3 гадзіны, калі не – то ўсе 5).

Раз на гадзіну варта правяряць колькасць вадкасці: калі яе няма – падліць кіпеню і гатаваць далей:

У канцы праверыць на соль і цукар, перамяшаць і пакінуць астываць у духоўцы.

Падаваць лепш за ўсё на наступны дзень, разагрэўшы на пліце:

---

☝️У працэсе гатавання важна нічога не перамешваць: крупа можа падгарэць, калі трапіць на дно посуду. Нават калі пярлоўка і не падгарыць, то выйдзе сухаватай, а гэта дрэнна.

У арыгінале павінна быць тлустае мяса. Так што давядзецца выбіраць: альбо карысна, альбо аўтэнтычна (смачна).😉

Замест вады можна і трэба (калі ёсць) выкарыстоўваць разведзены капусны расол.

У некаторых рэцэптах дадаюць вэнджаную свініну. Але я б не раіў, бо гэта новыя павевы.

Часам кладуць другім слоем нарэзаную на колцы рэпкавую цыбулю. Бывае, яе яшчэ і абсмажваюць, але гэта таксама ф’южн: у старой эстонскай кухні амаль ніколі нічога не смажаць.

Найлепшы гарнір – бульбяное пюрэ. А з крывянкай будзе наогул ідэальна.

Гатовы мульгікапсад, як і бігас, можна замарожваць-размарожваць некалькі разоў – ён ад гэтага будзе толькі смачнейшы.