Салата трапіла на вочы ў старой савецкай кулінарнай кнізе, з усялякімі нормамі выхаду, табліцамі набору прадуктаў, тэхналагічнымі картамі, ГОСТамі і г.д.🧐

Тым не менш, вельмі цікавая салатка, рэкамендую.

• бульба – 200 г
• грыбы (салёныя, марынаваныя, свежыя ці замарожаныя) – 100 г
• агуркі салёныя – 100 г
• капуста квашаная – 100 г
• цыбуля рэпкавая (лепш шалот ці чырвоная) – 1 сярэдняя
• смятана
• лімонны сок
• зеляніна (зялёная цыбуля, кроп, пятрушка) – па пары каліўцаў
• цукар
• соль, перац

---

Зварыць бульбу (можна зварыць у лупінах, а можна запячы цалкам), астудзіць і нарэзаць на дробныя кубікі.

Падрыхтаваць грыбы:

•     калі шампіньёны – падсмажыць ці зварыць
•     калі лясныя – зварыць, абсмажыць
•     калі салёныя марынаваныя – адкрыць слоік

Цыбулю нарэзаць на паўколцы. Калі вельмі вострая – абварыць кіпенем ці замарынаваць.
Агуркі і грыбы нарэзаць на тонкія дзелькі.
Зялёную цыбулю (калі ёсць) парэзаць на буйныя кавалкі:

Усё спалучыць у салатніцы:

У смятану дадаць лімонны сок, аліўкавы алей плюс цукар – соус павінен быць кісла-салодкі:

Старанна перамяшаць:

Заправіць салату атрыманай запраўкай:

Дадаць соль, перац, якасна перамяшаць:

---

Смятану можна замяніць на ёгурт.

Лімонны сок можна замяніць на белы воцат.