Яшчэ крыху пра спадчыну савецкай кулінарыі — жульен.

Нягледзячы на тое, што ва ўсім свеце «жульeн» (julienne) — гэта спосаб нарэзкі гародніны тонкай доўгай саломкай, па старой савецкай традыцыі ўстановы грамадскага харчавання ўпарта называюць жульeнам грыбы, морапрадукты ці курыцу, запечаную ў смятанным соусе. Часам у старых савецкіх рэцэптах замест смятаннага соусу сустракаецца бешамель.

Тым не менш, такі від жульену на постсавецкай тэрыторыі даўно набыў статус класікі.

Такім чынам — жульeн з грыбамі.

• грыбы свежыя — 250 г
• цыбуля рэпкавая – 1 сярэдняя цыбуліна
• сыр жоўты цвёрды
• часнок — 2-5 зубцоў
• масла сметанковае
• мука
• смятана
• зеляніна (кроп, пятрушка)
• соль, перац

---

Найлепшыя грыбы для жульену — баравікі, прычым можна выкарыстоўваць як шляпкі, так і ножкі.
Някепска падыдуць шляпкі чырвонагаловікаў (ножкі ў іх жарсткаватыя), рыжыкі, лісічкі і шампіньёны — усе гэтыя грыбы папярэдне варыць не трэба.
Ну а ў скрайнім выпадку пойдзе і звыклая, папярэдне звараная, грыбная мяшанка.
Робім з баравікамі і шляпкамі чырвонагаловікаў:

Грыбы нарэзаць на кавалкі і падсмажыць на патэльні (уся вада павінна выкіпець):

Дадаць дробна нарэзаную цыбулю і душаны часнок, плюс соль і перац:

Абсмажваць да залацістага колеру цыбулю:

Прыгатаваць смятанны соус на муцэ.

Заліць грыбы смятанным соусам і давесці да кіпення:

У форму для запякання альбо ў какотніцу выкласці грыбы ў соусе:

Пасыпаць цёртым сырам:

Запякаць у духоўцы пры 180-200 градусах хвілін 30.
Перад падачай пасыпаць насечанай зелянінай:

---

На постсавецкай прасторы папулярны і іншы від жульену — жульен з курыцай.

Ёсць, дарэчы, і гібрыдны варыянт — абсмажаная курыца змешваецца з абсмажанымі грыбамі. Ну а далей — як звычайна.