ЗША, Італія: Таматавы соус «Марынара» (Marinara), ён жа «Неапалітанскі соус» (Napolitana)

Читать по-русски

Назва «Марынара» найбольш распаўсюджана ў Амерыцы, куды гэты соус завезлі італьянскія эмігранты і дзе ён найбольш папулярны. Сам жа соус родам з Неапалю, і таму ў Італіі, ды і ва ўсім астатнім свеце, яго найчасцей называюць «Неапалітанскі соус» (Napolitana).

Паводле легенды, яго вынайшлі ў XVI стагоддзі кухары на борце неапалітанскіх караблёў, што вярталіся з Амерыкі з грузам яшчэ экзатычных тады памідораў.

Асноўныя складнікі – аліўкавы алей, часнок і/альбо цыбуля і памідор, амаль заўсёды – базілік.

☝🏼Дарэчы, у Італіі a la marinara – страва з рыбай ці морапрадуктамі, а не соус, так што галоўнае не заблытацца.

памідоры – 800 г альбо таматы ва ўласным соку – бляшанка 750 г
цыбуля рэпкавая – 2 сярэдніх
часнок – 5-9 зубцоў
базілік – 1-2 пучкі
аліўкавы алей
соль, перац, спецыі (арэгана, чабор)
тамат-паста – 1 ст. л. (па жаданні)
цукар – 1 ч. л. (па жаданні)
белае віно – 100 мл (таксама апцыянальна)

Можна выкарыстоўваць як свежыя, так і кансерваваныя памідоры. Соус будзе даволі доўга варыцца, і розніца ў смаку будзе амаль незаўважная:

Свежыя памідоры аблупіць бязлітасна (а можна разрэзаць упоперак і нацерці на буйной тарцы так, каб засталася толькі скурка). Калі выкарыстоўваюцца кансерваваныя памідоры – адкрыць бляшанку.

Здрабніць блендэрам да аднастайнай кансістэнцыі:

Аддзяліць сцябліны базіліку ад лісткоў.

Часнок раздушыць.
Калі базілік малады, і яго сцяблінкі тонкія і далікатныя, можна здрабніць іх разам з часнаком і выкарыстаць у соусе для ўзмацнення смаку:

Цыбулю нарэзаць як найдрабней, лісткі базіліку нашаткаваць як падабаецца – можна дробна, можна на буйнейшыя кавалкі:

Абсмажыць цыбулю да залацістага ў аліўкавым алеі:

Дадаць часнок і базілікавыя сцяблінкі, абсмажваць яшчэ хвіліну:

Дадаць соль, перац і спецыі.

Калі хочацца ўзмацніць таматавы смак, можна дадаць сталовую лыжку таматавай пасты і чайную лыжку цукру. Гэта зусім не абавязкова, але дапаможа зрабіць соус больш салодкім і канцэнтраваным (што зусім някепска, напрыклад, для некаторых відаў піцы):

І яшчэ адзін неабавязковы крок – на дадзеным этапе можна ўліць крыху балага віна і злёгку пратушыць. Так соус будзе больш духмяны і атрымае лёгкі вінны прысмак:

Размятыя таматы давесці да кіпення.
Дадаць абсмажаную з часнаком і сцяблінамі базіліку цыбулю, соль, перац і спецыі.
Варыць на павольным агні хвілін 20-25: