Перакладаецца як «салата з фасолі»: па-армянску «фасоля» – «лобі» (լոբի)”.

Нягледзячы на вонкавую прымітыўнасць, гэта салата з вельмі яркім і багатым смакам, адна з улюбёных.😋

• фасоля – 250 г
• цыбуля рэпкавая – 1 вялікая цыбуліна (пажадана чырвоная салатная)
• алей аліўкавы – 60 г
• воцат вінны – 60 г
• зеляніна (кінза – пучок, абавязкова, пятрушка – паўпучка, пажадана)
• соль
• перац чорны свежамолаты

---

Фасолю прамыць і заліць вадой на 4-5 гадзін (лепш на ноч):

Змяніць ваду і зварыць да гатовасці ў несалёнай вадзе.
Хвілін за дзесяць да канца дадаць соль.
Ваду зліць:

Вараную фасолю заправіць аліўкавым алеем, дадаць соль, перац:

Цыбулю нарэзаць на тонкія паўколцы, зеляніну насекчы не вельмі дробна:

Цыбулю спалучыць з фасоляй:

Уліць воцат. Лепш рабіць гэта паступова: спачатку дадаць палову, даць крыху пастаяць у лядоўні, потым пакаштаваць і дадаць яшчэ, і г. д.
☝️Калі дадаць зашмат воцату, можна ўсё сапсаваць.

Пакласці зеляніну, усё старанна перамяшаць:

☝️Паставіць у лядоўню на 1-2 гадзіны, не менш – фасоля павінна прапітацца:

---

Салата робіцца яшчэ лепшай на смак, калі даць ёй пастаяць і памарынавацца ноч на холадзе.

☝️Пры правільных суадносінах інгрэдыентаў цыбулю абварваць кіпенем не трэба – воцат звядзе горыч да мінімуму.