Посны, але сытны закіслены суп, змяняючы гушчыню якога, можна атрымаць першую і другую стравы адначасова.

• фасоля чырвоная – 250 г
• цыбуля рэпкавая – 1 вялікая цыбуліна
• арэхі грэцкія – паўшклянкі
• часнок – 3-4 зубцы
• воцат вінны белы
• зеляніна: кінза – абавязкова, плюс пятрушка па жаданні
• соль, перац, спецыі (хмелі-сунэлі, але можна ўзмацніць каляндру і пажытнік (уцха-сунэлі))

---

Фасолю замачыць у халоднай вадзе на 3-5 гадзін (лепш на ноч):

Прамыць, заліць халоднай вадой (з запасам, бо адвар будзе выкарыстоўвацца для рэгулявання гушчыні супу).
Варыць без солі да гатовасці.

Тым часам зеляніну і цыбулю дробна нарэзаць, грэцкія арэхі растаўчы ў ступцы, але не занадта дробна:

Калі фасоля будзе гатовая, зліць адвар у асобную пасудзіну:

Дадаць да фасолі цыбулю, душаны часнок, арэхі і большую частку зеляніны:

Старанна перамяшаць:

Растаўчы фасолю бульбамялкай. Не трэба даводзіць да стану пюрэ – проста раздрабніць фасолю:

Развесці атрыманую масу адварам, што застаўся пасля варкі фасолі, да пажаданай кансістэнцыі. У арыгінале суп павінен быць даволі густы:

Дадаць соль, спецыі, давесці да кіпення і варыць яшчэ хвілін 7-8.

У гатовы суп дадаць вінны воцат на смак і перамяшаць.

Падаваць, пасыпаўшы зелянінай:

---

Недасведчаным у закісленні супу (да якіх я адношу і сябе) воцат варта падаваць асобна і пакрысе дадаваць ужо ў талерку. Калі ўліць зашмат воцату ў рондаль, суп будзе безнадзейна сапсаваны 😦

---

Часта падаюць з лавашом і дзелькамі свежага часнаку.