Гэтую страву згадваюць яшчэ ў хроніках Генрыха Латвійскага – XII стагоддзе.
Здымаю капялюш і бягу па бараніну.🍖

• бараніна – 1000 г,
• цыбуля рэпкавая – 2-3 сярэдняга памеру
• морква – 2 сярэднія
• салера – як палова морквы
• масла сметанковае – 0, 5 ст. л.
• часнок – 7-9 зубцоў
• зеляніна (пятрушка, салера) – невялікі пучок
• соль, перац, цукар

Соус:

• мука пшанічная – 20 г, альбо 1 ст. л без горкі
• масла сметанковае – 20 г
• малако – 100 мл
• смятана – 1 ст. л.
• кмен – 25 г

---

Цыбулю і моркву нарэзаць на паўколцы, салеру – саломкай:

Бараніну можна браць з косткай:

Насекчы па 3—4 кавалкі на порцыю, пасаліць-папярчыць:

У рондаль пакласці паўлыжкі сметанковага масла, бараніну, заліць вадой (вада павінна амаль пакрыць мяса).
Тушыць хвілін 30:

Пакласці гародніну і працягваць тушыць амаль да гатовасці мяса:

Соус:

На атрыманым булёне робім кменны белы соус.

Сметанковае масла распусціць на павольным агні:

Увесь час памешваючы, павольна ўсыпаць муку.
Давесці сумесь масла і мукі да аднароднасці.

Уліць у сумесь 50 мл цёплага малака, энергічна памешваючы соус (каб не ўтварыліся камячкі) і давесці сумесь да аднароднага стану.
Затым паступова дадаваць булён, які ўтварыўся пры тушэнні, увесь час перамешваючы соус, каб давесці да кансістэнцыі вадкай смятаны:

Дадаць кмен і нятлустую смятану, давесці да кіпення (усё гэтак жа ўвесь час памешваючы), затым на павольным агні праварыць 5 хвілін:

Выліць соус да бараніны, дадаць душаны часнок.
Праверыць на соль, перац, калі трэба – дадаць цукар.

Закіпяціць, даць настаяцца:

Пры падачы пасыпаць дробна насечанай зелянінай пятрушкі і салеры.

Класічны гарнір – вараная бульба:

---

За 15 хвілін да гатовасці можна дадаць нарэзаную на буйныя колцы цыбулю-парэй – будзе больш яркі смак цыбулі.

Можна рабіць і са свінінай ці ялавічынай, але класіка – менавіта бараніна.☝️