Кurzemes – гэтак у Латвіі называюць Курляндыю. Ну а назва «strogonovs» паходзіць ад прозвішча расійскага графа Аляксандра Строганава – таго самага, у гонар якога назвалі іншую вядомую страву, «бефстроганаў».

Дарэчы, арыгінальны рэцэпт бефстроганава (альбо ялавічыны па-строганаўску) быў страчаны, і ўсе сучасныя рэцэпты ўзноўленыя рэканструктарамі на падставе розных крыніц…

Але сёння мы не пра яго, а пра Кurzemes strogonovs:

• свініна – 400 г
• шпік, грудзінка ці бекон – 50 г
• агуркі салёныя ці марынаваныя – 3-4 сярэдніх
• цыбуля рэпкавая – 2 вялікіх
• мука пшанічная – 1 ст. л. з горкай
• смятана – 2-3 ст. л.
• масла сметанковае – 1 ст. л.
• соль, перац

---

Свініну нарэзаць на пласцінкі ўздоўж валокнаў, злёгку адбіць і нарэзаць саломкай упоперак валокнаў, грудзінку – на маленькія кубікі.
Цыбулю нарэзаць на паўколцы.
Салёныя агуркі нарэзаць на дробныя кубікі/колцы (залежыць ад памеру):

Абсмажыць шпік ці грудзінку да залацістага колеру, тлушч павінен вытапіцца:

Пакласці свініну і абсмажваць на моцным агні амаль да гатовасці.
Адкласці мяса:

У рэштках тлушчу абсмажыць цыбулю да залацістага, а калі тлушчу не хапае – дадаць масла:

Усыпаць муку і яшчэ крыху абсмажыць:

Пакласці агуркі і смятану, перамяшаць:

Вярнуць мяса:

Вадой ці булёнам давесці да патрэбнай кансістэнцыі. Вадкасць варта ўводзіць пакрысе, соус павінен быць густым.

Дадаць соль, перац, абавязкова каштуючы – агуркі могуць утрымліваць дастаткова солі.

Тушыць пад накрыўкай да гатовасці:

Ідэальны гарнір – вараная/смажаная бульба ці пюрэ. Лепш ні на што іх не замяняць:

---

У сеціве сустракаюцца варыяцыі з морквай ці салерай. Але асабіста я б не рэкамендаваў – гэта абсалютна завершаная, самадастатковая страва са спраўджаным смакам.👌