Украіна: Кулеш прасяны, плюс кулеш прасяны з курыцай

Слова «кулеш» пайшло ад венгерскага слова «кёлеш» (кoeles) – проса. Можна прыгатаваць з розных крупаў, але прасяны – гэта класіка. 👍

Ёсць, дарэчы, беларускі кулеш – даволі вадкая мучная каша з салам (не самая, між намі кажучы, смачная рэч…)

Кулеш прасяны

Зварыць булён (курыны, ялавічны, гароднінны) з морквай, цыбуляй, салерай і г. д. (глядзі раздзел «Булён»). Можна выкарыстоўваць нават проста ваду:

Цыбулю дробна насекчы.
Шпік нарэзаць на невялікія кавалачкі:

Проса некалькі разоў прамыць гарачай вадой (змыць смецце і пазбыцца гаркавасці):

Пакласці ў булён, які кіпіць, і варыць да поўнай гатовасці.

Тым часам зеляніну дробна насекчы:

Шпік абсмажыць да залацістай скарынкі:

Дадаць цыбулю і абсмажыць да залацістага колеру:

Пакласці шпік з цыбуляй у булён, дадаць соль, перац і варыць яшчэ 3—5 хвілін.

Падаваць, пасыпаўшы дробна насечанай зелянінай:

Цыбулю дробна насекчы, моркву нацерці на буйной тарцы:

Цыбулю абсмажыць да залацістага:

Дадаць моркву да цыбулі і абсмажваць да лёгкага падрумяньвання:

На курыным мясе зварыць булён з морквай, цыбуляй, салерай і г. д. (глядзі раздзел «Булён»).
Мяса дастаць, астудзіць і здрабніць.
Булён працадзіць:

Вярнуць мяса ў булён.

Проса некалькі разоў прамыць гарачай вадой, каб пазбыцца гаркавасці і парушынак:

Пакласці ў булён проса, варыць да гатовасці. За хвілін 10 да канца дадаць цыбулю з морквай, соль і перац.

Пра падачы пасыпаць дробна насечанай зелянінай:

Кулеш таксама можна гатаваць прасяна-бульбяны, замяніўшы 1/3 проса на бульбу.