Вельмі папулярны ў Германіі, асабліва зімой, і вельмі сытны суп.

• цыбуля-парэй – 3-4 сцябліны
• фарш, найлепей будзе сумесь свініны і ялавічыны – 400-500 г
• часнок – 3-5 зубцоў
• плаўлены сыр (сметанковы, мяккі) – 300 г, можна з травамі
• зеляніна (кроп, пятрушка, базілік) – па жаданні
• соль, перац, спецыі (чабор, маяран, мускатны арэх)

---

Падрыхтаваць зеляніну:

Зеляніну дробна нашаткаваць.
Цыбулю-парэй нарэзаць на колцы, не вельмі тонка:

Фарш абсмажыць у алеі, пастаянна памешваючы, пакуль не пасвятлее:

Дадаць душаны часнок і спецыі:

Злёгку абсмажыць.
Пакласці цыбулю-парэй:

Уліць крыху вады ці гародніннага булёну і тушыць яшчэ хвілін дзесяць:

Перакласці ў рондаль (калі да гэтага гатавалі не ў ім), уліць ваду альбо гароднінны булён – 1,5-2 літры.
Дадаць соль, перац.

Варыць хвілін 10-15, затым пакласці сметанковы плаўлены сыр.

Старанна перамешваць да поўнага распушчэння сыру.
Усыпаць насечаную зеляніну.

Таміць яшчэ хвілін 10 на вельмі марудным агні.
Падаваць гарачым:

---

Часам разам з цыбуляй кладуць нацёртую на буйной тарцы моркву.

Часам дадаюць вяршкі, але гэта ўжо будзе каларыйная бомба, а не суп 💣.

Суп можа загусцець на наступны дзень, але гэта не страшна – пасля разагравання ўсё будзе ок.

---

Danke schön, Ingo!