Турцыя: Імам баялды (запечаныя з памідорамі баклажаны)

«Імам Баялды» ў перакладзе з цюркскага значыць «імам страціў прытомнасць».🙃

Легенда кажа, што аднойчы турэцкі імам пакаштаваў дзесьці страву з запечаных з памідорамі баклажанаў, і, узрушаны чароўным смакам, знепрытомнеў.

Па іншай версіі, самлеў ён, калі даведаўся пра колькасць і кошт інгрэдыентаў...😁

баклажаны – 2 вялікіх
салодкі перац – 1 шт.
цыбуля рэпкавая – 2 сярэдніх
часнок – 4-5 зубцы
памідоры – 2-3 сярэдніх
вяленыя памідоры – 5-6 шт.
тамат-паста – 1 ст. л.
аліўкавы алей
цукар
лімонны сок (ці вінны воцат)
зеляніна (кінза, пятрушка – абавязкова, базілік, эстрагон – пажадана)
соль, перац, спецыі (каляндра, мускатны арэх, чабор)

Ніжэй – два варыянты: першы – правільны, другі – для гультаёў.

Правільны варыянт

Баклажаны:

Пачысціць баклажан «зебрай» (не для прыгажосці, а дзеля лагоднасці смаку), зрэзаць збоку 1/5 частку – тыпу зняць накрыўку:

Дастаць насенне:

Апрацаваны баклажан можна вымачыць паўгадзіны ў падсоленай вадзе. Гэта не абавязкова, калі баклажаны не гаркавы. Цяпер яны рэдка трапляюцца гаркавыя – хіба што хатнія няўдалага гатунку, старыя ці невядома дзе скрадзеныя.😉

У некаторых рэцэптах прапануюць папярэдне абсмажыць баклажан у аліўкавым алеі – так ён будзе мякчэйшым і больш сакавітым, але гэта ўжо не класічны варыянт.

Насенне, дарэчы, можна не выкідваць, а абсмажыць і выкарыстаць у які-небудзь бабагануш ці мтабаль.

Начынка:

Памідоры аблупіць бязлітасна:

Вяленыя памідоры дробна нарэзаць, аблупленыя – дробна насекчы.
Цыбулю нарэзаць на тонкія чвэртачкі.
Перац нашаткаваць на дробныя кавалкі.
Зеляніну здрабніць:

Цыбулю пасераваць у аліўкавым алеі да мяккасці.
Пакласці дробна насечаны часнок і абсмажваць яшчэ каля хвіліны:

Дадаць дробна нарэзаны салодкі перац і вяленыя памідоры, абсмажваць 2-3 хвіліны:

Пакласці тамат-пасту і працягваць смажыць яшчэ хвіліну:

Дадаць дробна насечаныя памідоры, соль, цукар, зеляніну, спецыі і лімонны сок.
Тушыць пад накрыўкай хвілін 8-10, у працэсе абавязкова каштаваць і карэктаваць соль, цукар і лімонны сок – сумесь павінна быць выразна кісла-салодкай.

У выніку начынка мае атрымацца дастаткова густая — як хатняя смятана:

Зноў баклажаны:

Змазаць падрыхтаваныя баклажаны знутры аліўкавым алеем.
Каб зялёны хвосцік не перасох і не страціў выгляду, яго варта загарнуць у кавалачак харчовай фольгі: