Самы класічны варыянт – уся гародніна нацёртая на буйной тарцы, выкарыстоўваюцца толькі базавыя кампаненты (ніякага жэлатыну, які часта сустракаецца ў інтэрнэце). Карацей, савецкая класіка.😁

• сялёдка слабасалёная (вострага пасолу, маціяс і г. д.) – 250 г
• цыбуля рэпкавая – 1 вялікая
• бульба – 3-4 сярэдніх
• морква – 2-3 сярэдніх
• буракі – 3 сярэдніх
• яйкі – 4 шт.
• маянэз
• воцат – 1 ст. л.
• соль

---

Зварыць бульбу і моркву да мяккасці ў злёгку падсоленай вадзе – пажадана асобна, бо час варкі розны.
Зварыць буракі да мяккасці ў злёгку падсоленай вадзе, дадаўшы сталовую лыжку воцату (каб буракі не згубілі колеру) 35-45 хвілін.

Яйкі зварыць укрутую:

Выкласці на плоскую талерку, папярэдне змазаўшы дно маянэзам:
Першы слой: Дробна насечаная цыбуля (калі занадта вострая – можна папярэдне абварыць кіпенем).
☝️Цыбуля адказвае за сакавітасць! Ні ў якім разе не ёй не эканоміць:

Другі слой: Нарэзанае на невялікія кавалачкі філе сялёдкі.
☝️Не шкадаваць сялёдкі!

Трэці слой: Нацёртая на буйной тарцы вараная бульба:

Маянэзная сетка:

Чацвёрты слой: Нацёртая на буйной тарцы вараная морква:

Маянэзная сетка:

Пяты слой: Парэзаныя на кубікі бялкі вараных яек:

Шосты слой: Нацёртыя на буйной тарцы вараныя буракі:

Раўнамерна размеркаваць маянэз:

Пасыпаць расцёртымі жаўткамі вараных яек:

---

Салаце варта даць настаяцца ў лядоўні некалькі гадзін, каб прапітацца. Лепш – суткі.

Можна для сакавітасці дадаць у сярэдзіну тонкі слой нацёртых на буйной тарцы ачышчаных яблыкаў (перад слоем морквы).

Часам густа пасыпаюць пятрушкай, кропам і зялёнай цыбуляй.

У некаторых варыянтах гародніну не націраюць на тарцы, а наразаюць на кубікі. Але гэта ўжо не тое.😉