Тут усё проста: «hernes» – гарох, «kartul» – бульба, «puder» – каша.

Нечаканае спалучэнне простых прадуктаў ператвараецца ў адну з найцкавейшых этонскіх страваў.

Дарэчы, слова «kartul» звычайна выкарыстоўваюць у кантынентальнай Эстоніі, а на выспах звычайна кажуць «tuhlid» (тухлід).

• гарох – шклянка
• сала свіное (пажадана вэнджанае) альбо бекон – 100 г
• бульба – 2-3 сярэдніх
• малако ці вяршкі (не больш за 10% тлустасці) – 200 мл
• цыбуля рэпкавая – 1 вялікая цыбуліна
• масла сметанковае

---

Гарох замачыць на 4-5 гадзін (лепш на ноч).
Сала ці бекон нарэзаць на маленькія кубікі.
Бульбу – на дзелькі:

Цыбулю дробна нарэзаць і абсмажыць у сметанковым масле да залацістага:

Зварыць гарох да паўгатовасці (да мяккасці).
Вадкасць да канца працэсу павінна цалкам выпарыцца, таму пажадана ўвесь час яе кантраляваць і даліваць па меры неабходнасці.

Пакласці нарэзаную на дзелькі бульбу і сала/бекон:

Варыць да гатовасці бульбы:

Уліць малако, пракантраляваць соль (бекон можа быць салёны) і варыць да гатовасці.
Вадкасць павінна амаль цалкам выпарыцца.

Перад падачай пакласці абсмажаную цыбулю:

---

Спецый дадаваць не трэба: Хернэкартуліпудэр – гэта абсалютна самадастатковае спалучэнне прадуктаў.

Калі разам з бульбай дадаць насечаную на дробныя кубікі моркву (porgand), выйдзе Порганхернэкартуліпудэр (Porgand Herne Kartulipuder). Люблю гэтыя іх назвы.😍