Спадчына Аўстра-Венгерскай імперыі – чэшская мадыфікацыя венгерскага Баграч гуяша. Крыху прасцейшая, але не менш смачная.

• ялавічына/цяляціна – 600 г
• бульба – 4 шт. на грамаў 400-500 супу
• цыбуля рэпкавая – 1 вялікая ці 2 сярэдніх
• часнок – 5-9 зубцоў
• ялавічны булён – 1,5 л
• тамат-паста – 1,5 ст. л.
• масла сметанковае – 90 г
• мука – 1 ст. л. з горкай
• соль, перац, спецыі:
  • кмен молаты – 0,5 ч. л.
  • маяран – 0,5 ч. л.
  • папрыка – 1 ст. л.
  • чылі-перац (па жаданні)

---

З ялавічных касцей зварыць моцны булён, па магчымасці з поўным букетам гарні (не лянуйцеся перайсці па спасылцы вышэй, калі цікава, што такое гарні).
Аддзяліць паўшклянкі булёну для загушчальніка.

Мяса нарэзаць на кубікі па 1 см.
Цыбулю парэзаць даволі дробна, бульбу – на кубікі:

Абсмажыць цыбулю да залацістага колеру, у арыгінале – на свіным тлушчы, але можна і топленым масле:

Дадаць мяса, соль і кмен:

Смажыць да залацістага колеру:

Дадаць душаны часнок і тамат-пасту:

Добра перамяшаць і абсмажваць хвіліну:

Пакласці муку і папрыку:

Абсмажваць яшчэ хвіліну:

Уліць аддзеленыя паўшклянкі булёну і злёгку пратушыць.

Спалучыць засмажаную частку з булёнам, даць закіпець і варыць на слабым агні да гатовасці мяса – 40-120 хвілін (залежыць ад памеру/ступені засмажкі/маладосці мяса):

Бульбу адправіць у суп, заправіць маяранам:

Варыць яшчэ паўгадзіны. Можна дадаткова заправіць часнаком:

Dobrou chuť!😉

---

Гуляшаву палеўку можна падаваць у хлебе.
Ёсць варыянт гуляшавай палеўкі з фаршам. Мяса замяняецца фаршам, часам дадаецца дробна нарэзаны бекон. У астатнім – тое самае.
Часам муку абсмажваюць асобна.