Самы вядомы рыбны расольнік – «Новатраецкі» – гатавалі ў карчме пры Свята-Траецкай Сергіевай лаўры ў Маскве.
Mанахі Свята-Траецкай Сергіевай лаўры мяса не ўжывалі, затое ўжывалі расольнік «са свежай і салёнай рыбы з ракавымі шыйкамі. Булён варылі як для юшкі, дадаючы белыя карэнні: пастэрнак і пятрушку, а таксама ачышчаныя салёныя агуркі з расолам. Свежую рыбу бралі некалькіх відаў – асятрыну, ярша, судака. З салёнай – цёшку сяўругі і беларыбіцы ці асятрыну і бялугу. Апошнюю дадавалі для яркасці смаку, каб рыбны расольнік не падаваўся прэсным».

Каб я так жыў, як кажуць…😉

Ніжэй – варыянт са скумбрыяй і траской, плюс салёная скумбрыя, каб расольнік «не падаваўся прэсным», і крыху чырвонай ікры для запраўкі.

• белая рыба, пажадана сумесь свежай (2/3) і салёнай (1/3) – 400 -500 г
• цыбуля рэпкавая – 2 сярэдніх цыбуліны
• корань пятрушкі ці салеры – 2/3 ад колькасці цыбулі
• тамат-паста – 1 ст. л. (па жаданні)
• крупы ячныя – 2/3 шклянкі
• бульба – 4 шт.
• агуркі салёныя ці марынаваныя – палова ад аб’ёму бульбы
• чырвоная ікра – 1 ст. л.
• зеляніна (кроп, пятрушка)
• соль, перац, спецыі (чорный перац, англ. перац, лаўровы ліст)

---

Ячныя крупы замачыць у вадзе прыкладна на гадзіну:

Зварыць да гатовасці ў вялікай колькасці вады без солі (1 кг крупаў = 3 л вады).
Можна варыць крупы адразу ў супе, перад бульбай. Але тады складана кантраляваць колькасць – ячныя крупы моцна брыняюць, і ёсць шанец ператварыць суп у кашу. Тут кожны вырашае сам.
У гэтым варыянце варым асобна.

Падрыхтаваць рыбу: дастаць вантробы, выдаліць косткі. Парэзаць на кавалкі сярэдняга памеру:

Салёную рыбу зварыць асобна (булён з салёнай рыбы мае непрыемны прысмак), варыць хвілін 5 пасля закіпання:

Прыгатаваць рыбны булён з чорным і англійскім перцам, лаўровым лістом, рэпкавай цыбуляй і салерай.
Саліць асцярожна, бо крыху пазней салёная рыба і агуркі дададуць яшчэ солі.

Рыбу дастаць, булён працадзіць:

Цыбулю дробна нашаткаваць, салеру/пятрушку натаркаваць на буйной тарцы:

Цыбулю абсмажыць да залацістага:

Дадаць салеру і яшчэ злёгку абсмажыць:

Пакласці лыжку таматавай пасты і чайную лыжку цукру, абсмажваць пару хвілін.
Тамат-пасту можна і не дадаваць, калі ў вас пад рукой шмат гатункаў рыбы і ракаў.
У нашым варыянце – дадаем пасту:

Зеляніну дробна насекчы:

Агуркі парэзаць на маленькія кубікі, бульбу – на кубікі сярэдняга памеру:

Салёныя агуркі прыпусціць у невялікай колькасці вады, вадкасць зліць у асобную пасудзіну – потом яе можна дадаць у суп для рэгулявання кіслаты.
☝️Калі салёныя агуркі не прыпусціць, суп можа атрымацца занадта кіслым і мець злёгку «бочкавы» пах.

Марынаваныя агуркі прыпускаць не трэба.

У булён пакласці бульбу і варыць да гатовасці.

Дадаць салёныя агуркі і пасераваную гародніну. Вярнуць рыбу ў суп, калі ёсць жаданне – дадаць ікру. Але можна пакласці лыжку з ікрой ужо адразу ў талерку.

Праверыць на спецыі і соль. Пры неабходнасці дадаць расол, што застаўся пасля прыпускання агуркоў.

Давесці да кіпення, дадаць дробна нарэзаную зеляніну, накрыць накрыўкай, даць настаяцца.

Падаваць са смятанай, пасыпаўшы дробна насечанай зелянінай:

---

У пост гэтыя самыя манахі варылі расольнік з сушаных грыбоў.

Ну а калі вы ўсё ж не манах – да вашых паслуг расольнік маскоўскі і расольнік ленінградскі.