ЗША: Дэнверскі амлет (Denver Omelet)

Дэнверскі амлет (які часам называюць яшчэ Паўднёва-заходнім альбо Заходнім амлетам) – класічны амерыканскі сняданак.

Паводле адной легенды, дэнверскі амлет прыдумалі ў XIX стагоддзі каўбоі, што ганялі быдла па бяскрайніх раўнінах Каларада.
Паводле іншай, шматлікія кітайскія кухары, якія працавалі для лесанарыхтоўчых лагераў і чыгуначных брыгад, падавалі на хлебе вестэрнізаваны варыянт варыянт яечні «фу янг» для мясцовых рабочых. У выніку нібыта і сфармаваўся сучасны дэнверскі амлет.

Інгрэдыенты могуць злёгку адрознівацца: некаторыя дадаюць шампіньёны, некаторыя – авакада, некаторыя не абсмажваюць начынку, і г. д. Але класічны рэцэпт – з салодкім перцам, цыбуляй і вяндлінай.

яйкі – 2 шт.
малако ці вада – 2 ч. л.
сыр чэдар – 2 ст. л. з горкай, нацёртага на буйной тарцы
вяндліна – 2 ст. л. с горкай, нарэзанай на невялікія кубікі
перац салодкі – 3 ст. л., нарэзанага на невялікія кубікі
цыбуля – адна маленькая цыбуліна
раслінны алей альбо сметанковае масла
соль, перац
зялёная цыбуля – невялікі пучок (па жаданні)

Ідэальны варыянт – змяшаць зялёны і чырвоны перац (каб спалучыць слодыч чырвонага і свежасць зялёнага перцаў):

Перац, цыбулю і вяндліну нарэзаць на маленькія кубікі.
Сыр нацерці на буйной тарцы:

Абсмажыць вяндліну ў масле на невялікім агні да лёгкага румянцу:

Дадаць цыбулю і салодкі перац.
Абсмажваць да з’яўлення яркага перачнага паху, каля 2 хвілін:

Адкласці абсмажаную гародніну з вяндлінай, працерці патэльню папяровым ручніком (усялякія перфекцыяністы (накшталт мяне😉) абавязаны, безумоўна, вымыць патэльню і выцерці насуха).

Змяшаць яйкі з малаком, пасаліць і добра ўзбіць.
☝️Дарэчы, замест малака часам выкарыстоўваюць простую ваду: даданне вадкасці да яек робіцца для аслаблення сувязі бялкоў паміж сабою, і гэта дапамагае атрымаць больш гладкую тэкстуру амлету: