Адзін з найпапулярнейшых традыцыйных лёгкіх летніх армянскіх супоў.

Слова «апур» перакладаецца як «суп».
А вось паходжанне слова «чулумбур» – гэта загадка… Разгадку до-о-оўга шукаў – так і не знайшоў.🤔
Раскрыйце сакрэт, плз, калі хто ў курсе.

• рыс – 150 г. Лепш браць гатункі, што могуць добра набракаць. Басмаці/язмін тут не вельмі пасуюць
• цыбуля рэпкавая – 2 вялікія цыбуліны
• вада – 1,9 – 2 л
• яйкі – 2 шт.
• малако – 150 мл
• масла топленае ці сметанковае – 1-2 ст. л. 
• зеляніна (кінза, пятрушка)
• соль, перац чорны свежазмолаты

---

Цыбулю дробна нашаткаваць:

Абсмажыць у масле да залацістага колеру:

У несалёную ваду, якая кіпіць, высыпаць рыс.

Дадаць абсмажаную цыбулю.

Перамяшаць і варыць да поўнай гатовасці рысу – ён павінен зрабіцца мяккім і моцна набрыняць.

У малако пакаёвай тэмпературы ўвесці яечныя жаўткі:

Добра ўзбіць:

Даць супу крыху астыць (градусаў да васьмідзесяці).

Заправіць малочна-яечнай сумессю – тонкім струменьчыкам і ўвесь час памешваючы.

Пасаліць.

Перад падачай дадаць свежамолаты чорны перац і шчодра пасыпаць насечанай зелянінай:

---

Абсалютна самадастатковы супчык, чаго-кольвек мяняць не раю.😉