Неяк у краме стаў сведкам забаўнай сцэны. У аддзеле з макаронамі маленькі хлопчык паказваў на канелоні і дапытваўся: “Мама, мама, а чаму гэтыя макароны такія вялікія? Яны ж нават у рот не ўлезуць!..”

Адказваем.
Малады чалавек, усё проста – іх фаршыруюць. А потым ядуць па кавалачках.

Фаршыраваныя макароны, альбо «maccheroni ripieni», былі вядомыя яшчэ ў XVIII стагоддзі. Рабілі іх з прастакутнікаў свежай пасты, на якую накладвалі начынку (часта салодкую) і скручвалі ў трубачку.
Ну а сваё сучаснае імя і форму канелоні атрымалі ўжо на пачатку XX стагоддзя.

Дзіўна, але італьянскія канелоні прабраліся ў іспанскую Каталонію, удала там прыжыліся і зрабіліся традыцыйнай стравай на дзень Святога Стэфана, які адзначаецца шмат у якіх краінах Еўропы адразу пасля Раства – 26 снежня.
Макароны ў выглядзе вялікіх трубак (ці, як іх называюць у Каталоніі, «каналонс») аказаліся ідэальным месцам, куды можна запіхаць мяса, што засталося пасля каляднага стала.😉

---

Самыя папулярныя варыянты начынкі – вегетарыянская, з рыкоты і шпінату, і мясная, з соусам баланьезэ пад соусам бешамель альбо неапалітанскім.

Далей – варыянт з мясам пад неапалітанскім соусам.

• канелоні
• соус баланьезэ
• неапалітанскі соус
• пармезан

---

Прыгатаваць соус баланьезэ і неапалітанскі соус:

Падлічыць, колькі канелоні змесціцца ў вашу форму:

Напоўніць кожную канелоніну соусам баланьезэ любым зручным для вас спосабам:

Форму для запякання спырснуць раслінным алеем, пакласці слой неапалітанскага соусу:

На соус выкласці фаршыраваныя канелоні:

Пакрыць слоем неапалітанскага соусу:

Пасыпаць цёртым пармезанам:

Закрыць накрыўкай альбо накрыць фальгой – залежыць ад формы для запякання:

Адправіць у разагрэтую да 180°C духоўку і трымаць там да гатовасці – каля 30 хвілін:

Buon appetito!!

---

У ЗША ёсць свая версія канелоні – «манікоці», ад італьянскага слова «manicotto», што перакладаецца як «рукаво».