Малдова-Румынія: Бурачыцэ (Bureachiţă) – таматны суп з пельменямі

Читать по-русски

Традыцыйны рэцэпт Румынскага рэгіёну Дабруджа (Dobrogea).

Калі не замарочвацца і проста купіць добрыя пельмені (а ў традыцыйным рэцэпце выкарыстоўваецца самы звычайны рэцэпт пельменяў), атрымаецца вельмі просты і хуткі ў прыгатаванні суп з прыемным спалучэннем таматнага соку і салеры альбо пятрушкі.

  • сок таматны – 500 мл
  • вада альбо булён – 400 мл
  • пельмені – 250-300 г
  • цыбуля рэпкавая – 2 невялікіх
  • морква – 1 сярэдняя
  • корань пятрушкі альбо пастэрнаку/салеры – як морквы
  • часнок
  • пятрушка
  • соль, перац

Калі ўсё ж хочацца зрабіць пельмені самому:

  • свініна альбо свіны фарш – 200 г
  • цыбуля рэпкавая – адна сярэдняя
  • зеляніна – пятрушка, кроп (па жаданні)
  • соль, перац

Начынка для пельменяў: прапусціць мяса і цыбулю праз мясарубку.
Калі выкарыстоўваецца гатовы фарш – дробна нарэзаць цыбулю і змяшаць з фаршам.
Дадаць соль, перац, насечаную зеляніну, крыху вады і старанна вымешаць.

Цеста для пельменяў: рэцэпт тут.

Пельмені: тонка раскатаць цеста і пры дапамозе шклянкі выразаць колцы.
Пакласці на цеста начынку,  зляпіць пельмень, як падабаецца.

Я дык проста купіў надзейныя пельмені:

Корань пятрушкі альбо салеры нарэзаць тонкай саломкай, моркву – на паўколцы.
Адну цыбуліну дробна нашаткаваць:

Змяшаць у рондлі таматны сок з вадой альбо булёнам.
Дадаць цыбулю, пятрушку/салеру і моркву, адну маленькую цыбуліну пакласці цалкам (потым выкінуць).

Калі трэба, пасаліць (☝️але спачатку пакаштаваць – таматны сок можа быць салёны), дадаць перац і варыць амаль да гатовасці гародніны.

У гатовы суп засыпаць пельмені, варыць паводле інструкцыі.

Дастаць цэлую цыбуліну і выкінуць.

Падаваць са смятанай. Ідэальна – з соусам муждэй з пятрушкай:

Калі пад рукой няма соусу муждэй, дапушчальна проста пасыпаць дробна нарэзанай пятрушкай і выціснуць дзельку часнаку.

Ёсць варыянт рэцэпту, калі гародніну папярэдне абсмажваюць, але тады знікае свежы прысмак.

Часам салеру ці пятрушку закладваюць цэльным кавалкам, а потым выкідваюць – атрымліваецца проста булён з пельменямі. Тут каму як падабаецца.

Як ні дзіўна, лепш пасуюць вялікія пельмені, а не маленькія “вушкі”.

Пакінуць каментар