Вельмі папулярная ў Баварыі падгарніроўка.
Па-баварску — Bayerischer Rotkohlsalat, альбо баварская салата з чырвонай капусты.

• чырвоная капуста – адна невялікая
• цыбуля рэпкавая — 1 вялікая цыбуліна, пажадана чырвоная
• яблык – 1 сярэдні, пажадана кіслы
• чырвонае паўсухое віно (у арыгінальным рэцэпце – Дорнфельдэр) — 150 мл
• чырвоны вінны воцат — 20 мл
• белы бальзамічны воцат — 20 мл
• журавіны — 1 ст. л.
• цукар – 2 ст. л.
• крухмал — 1/3 ст. л.
• духмяны перац – 3-4 шт.
• карыца – палачка (самая маленькая)
• гваздзіка – 2-3 шт.
• лаўровы ліст – 2 шт.
• соль, перац, спецыі (базілік, каляндра, чабер, маяран)

---

Капусту нашаткаваць:

Цыбулю нарэзаць паўкольцамі. Яблыкі — невялікімі кубікамі:

На моцным агні абсмажыць цыбулю і яблыкі:

Спалучыць абсмажаную цыбулю з капустай і адразу ўліць чырвонае вінo і двa гатункі воцату, каб захаваўся чырвоны колер:

Дадаць соль, чорны перац, духмяны перац, цукар, гваздзіку, палачку карыцы, лаўровы ліст, спецыі.
Старанна перамяшаць:

Дадаць крыху гарачай вады, калі гэта трэба. Цалкам можа хапіць і віна.
Да таго ж, капуста павінна пусціць сок — для тушэння не трэба шмат вадкасці.

Тушыць, час ад часу памешваючы і даліваючы па неабходнасці ваду, да мяккасці.
Перыядычна правяраць на соль/цукар/спецыі. Смак павінен быць яркім, рэзкім і саладкаватым. Калі трэба, дадаць цукар/перац/воцат.

Калі капуста ужо гатовая, змяшаць крухмал з невялікай колькасцю вады:

Выліць у капусту. Дадаць 3 сталовыя лыжкі журавін, трымаць яшчэ хвілін 5-10 на маленькім агні.
Даць настаяцца.

Падаваць цёплым.

---

Звычайна выкарыстоўваецца як дадатак да бульбы (пюрэ, дзелькі, кракеты) на гарнір да мясных страваў:

Баварская класіка. Danke schön, Ingo!😉