Як сцвярджае Encyclopædia Iranica, базба́ш (у Арменіі – «բոզբաշ», у Азербайджане – «bozbaş») перакладаецца як «шэрая галава». Назва тлумачыцца выглядам варанага мяса.
Але гэты тып базбашу – асаблівы. Робіцца ён на базе рыбы і гатуецца не надта распаўсюджаным для супоў спосабам – у паравой лазні.
У выніку атрымліваем вельмі густы суп на вельмі моцным булёне.

• рыба – 750 г (лепш за ўсё судак, сазан, сяўруга ці асятрына)
• бульба – 2 сярэдніх
• цыбуля рэпкавая – 3 сярэдніх
• алыча – 5 шт. (можна сушаная, у скрайнім выпадку замяніць на зялёны яблык)
• гранатавы сок – 1 ст. л.
• соль, перац, спецыі (перац чорны гарошак)
• пятрушка – паўпучка

---

Цыбулю нарэзаць не вельмі дробна, бульбу – на пласцінкі.
Пятрушку насекчы таксама не надта дробна.
З алычы выдаліць костачкі і парэзаць напалам.
Рыбу філеяваць і нарэзаць на парцыённыя кавалкі:

Замарынаваць з соллю у гранатавым ці лімонным соку і даць пастаяць хвілін 10:

Падрыхтаваць асобную ёмістасць і вялікі рондаль:

Пасудзіна павінна цалкам свабодна ўваходзіць у рондаль:

Пакласці слаямі:

– цыбулю:

– бульбу:

– рыбу:

Дадаць алычу:

Затым зноў цыбулю:

І, нарэшце, зноў бульбу:

Пасаліць, дадаць чорны перац гарошкам:

Засыпаць насечанай пятрушкай:

Інгрэдыенты павінны заставацца ніжэй за берагі пасудзіны прыкладна на 3–5 см.

Паставіць ёмістасць у рондаль і заліць прастору паміж сценкамі рондля і пасудзіны гарачай вадой (вада павінна быць ніжэй за берагі ёмістасці на 3-4 см). Самы просты варыянт заліць і потым дадаваць ваду – скарыстацца варонкай:

Закрыць рондаль накрыўкай і яшчэ дадаткова мокрым ручніком, каб пара не выходзіла вонкі:

Варыць гадзіны 4-5 на павольным агні.
Раз на гадзіну трэба правяраць ваду ў рондлі, пры неабходнасці – даліваць да ранейшага аб’ёму: пры выпарэнні яна будзе асядаць у пасудзіне, ператвараючыся ў булён:

Балык-базбаш гатовы: