«Ашчы сарпа» перакладаецца з казахскага як «рэзкі суп». И «сарпА» – канечне ж, чарговая варыяцыя ў стылі «шурпа», «чорпа», «шорпа», «шурба», «сорпа», «чорба» і г. д.

Галоўная разынка супу (не-не, не бойцеся, разынкі ў гэты суп не дададюць😉) – у яго кладуць нарэзаны на кавалачкі амлет.

^Суп:

• косткі (для булёну) – 400 г 
• бараніна – 500 г
• рэдзька – 2 сярэдніх (як цыбулі)
• цыбуля рэпкавая – 3 сярэдніх
• памідор – 2 сярэдніх ці 6-8 маленькіх (чэры, кактэйльныя)
• часнок – 6-8 зубцоў (можна больш)
• воцат вінны – 1 ст. л.
• курдзючны тлушч ці масла топленае
• зеляніна (пятрушка), плюс зялёная цыбуля – па жаданні
• соль, перац, спецыі (лаўровы ліст)

^амлет:

• яйкі – 2
• малако – 2 ст. л.
• мука – 1 ст. л. без горкі
• алей раслінны – 1 ст. л. (па жаданні)

---

Зварыць моцны булён з костак з дадаткам цыбулі, морквы, салеры, лаўровага ліста і чорнага перцу.

Мяса нарэзаць на палоскі, як мага танчэй.
Цыбулю насекчы на паўколцы.
Рэдзьку і часнок нашаткаваць саломкай.
Памідоры нарэзаць на невялікія дзелькі:

Мяса пасаліць, папярчыць і абсмажыць да румянай скарынкі на курдзючным сале ці топленым масле:

Дадаць нашаткаваныя цыбулю і рэдзьку:

Абсмажваць да залацістага колеру:

Пакласці памідоры і часнок.
Акурат на гэтым этапе трэба вырашыць: калі патрэбен больш востры ці кіславаты смак, варта дадаць памідоры ці часнок бліжэй да канца тушэння. Усё ж назва перакладаецца як «рэзкі суп»…

Уліць крыху булёну і вінны воцат, дадаць лаўровы ліст:

Тушыць да гатовасці:

Пакуль гародніна з мясам тушацца сабе, прыгатаваць амлет:

Убіць яйкі ў якую-небудзь пасудзіну:

Да яек дадаць малако:

Усыпаць муку:

Можна ўліць лыжку расліннага алею (каб быць упэўненым, што амлет не прыстане да патэльні). Але гэта не абавязкова.
Яйкі з малаком і мукой добра ўзбіць:

Узбітую сумесь выліць на змазаную раслінным алеем патэльню і запякаць на павольным агні пад накрыўкай да гатовасці:

Нарэзаць амлет як падабаецца – на невялікія квадрацікі, палоскі ці ромбікі (на тэфлонавых патэльнях з гэтым выдатна спраўляецаа сіліконавая лапатка):

Калі хочацца больш амлету ў супе – паўтарыць вышэйзгаданы працэс яшчэ раз ці два. Не варта рабіць слой амлету больш тоўстым:

Тушаную гародніну з мясам развесці булёнам да пажаданай кансістэнцыі, пакласці амлет і давесці да кіпення. Спаўдзіць на соль і спецыі.

Перад падачай пасыпаць насечанай зелянінай:

---

☝️Можна рабіць з ялавічынай.

Адметнасць большасці казахскіх мясных супоў – вельмі канцэнтраваны булён. З мясам у іх усё ў парадку, таму мяса часта гатуюць ужо ў моцным касцявым булёне.